Persónuverndarstefnan

Inngangur

Þessi persónuverndarstefna („persónuverndarstefna“) gildir um persónuupplýsingar sem TikTok vinnur í tengslum við TikTok-forrit, -vefsvæði, -hugbúnað og tengda þjónustu („kerfið“), sem tengjast eða vísa í þessa persónuverndarstefnu.

Ábyrgðaraðili gagna: Ef þú býrð á Evrópska efnahagssvæðinu („EES“), í Bretlandi („Bretland“) eða Sviss, eru TikTok Technology Limited, írskt fyrirtæki („TikTok Ireland“) og TikTok Information Technologies UK Limited („TikTok UK“), breskt fyrirtæki, („TikTok“, „okkar“, „við“ eða „okkur“) sameiginlegir ábyrgðaraðilar upplýsinga þinna sem unnið er úr í tengslum við þessa persónuverndarstefnu.

Upplýsingar sem við söfnum

Við söfnum upplýsingum um þig á þrjá vegu: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum. Nánari upplýsingar er að finna hér að neðan.

Upplýsingar sem þú veitir

Reikningsupplýsingar. Við söfnum upplýsingum sem þú veitir þegar þú stofnar reikning, svo sem fæðingardegi, notandanafni, netfangi og/eða símanúmeri og aðgangsorði. Þú getur valið að bæta öðrum upplýsingum við reikninginn þinn, svo sem ágripi eða mynd.
Notendaefni. Við söfnum efninu sem þú býrð til, flytur inn, hleður upp eða birtir í gegnum kerfið, svo sem ljósmyndum, myndböndum, hljóðupptökum, streymi í beinni, athugasemdum, myllumerkjum, endurgjöf, umsögnum og tengdum lýsigögnum (svo sem hvenær, hvar og af hverjum efnið var búið til). Jafnvel þótt þú sért ekki notandi gætu upplýsingar um þig birst í efni sem notendur í kerfinu hafa búið til eða birt. Við söfnum notendaefni með forhleðslu þegar efnið er búið til, flutt inn eða hlaðið upp, óháð því hvort þú kýst að vista eða hlaða upp því notendaefni, til dæmis til að mæla með tónlist byggt á myndbandinu. Við söfnum einnig efni (svo sem texta, myndum og myndböndum) af klippiborði tækisins ef þú kýst að afrita og líma efni á eða úr kerfinu eða deila efni á milli þess og kerfis þriðja aðila. Að auki söfnum við staðsetningarupplýsingum (eins og ferðamannastöðum, verslunum eða öðrum áhugaverðum stöðum) ef þú kýst að bæta staðsetningarupplýsingunum við notendaefnið þitt.
Skilaboð. Við söfnum efni skilaboðanna sem þú sendir og færð í kerfinu og tilheyrandi lýsigögnum (svo sem hvenær skilaboðin voru send, móttekin eða lesin, sem og þátttakendum í samskiptunum). Við söfnum einnig skilaboðum sem þú sendir eða tekur á móti í gegnum spjallið okkar þegar þú notar verslunareiginleika okkar til að eiga samskipti við söluaðila eða þegar þú notar spjallmenni.
Tengiliðirnir þínir og aðrar tengingar. Ef þú velur að samstilla tengiliði þína munum við safna upplýsingum úr símaskrá tækisins á borð við nöfn, símanúmer og netföng og bera þær upplýsingar saman við notendur kerfisins. Ef þú velur að finna aðra notendur í gegnum tengiliði þína á samfélagsmiðlum munum við safna opinberum notandaupplýsingum þínum sem og nöfnum og notandalýsingum tengiliða þinna á samfélagsmiðlum. Við söfnum líka upplýsingunum um reikningana sem þú fylgist með og sem fylgjast með þér.
Upplýsingar um kaup. Þegar þú kaupir, greiðir eða framkvæmir aðra færslu í kerfinu okkar eða í gegnum það, þar á meðal þegar þú kaupir TikTok-mynt, eða kaupir vörur í gegnum verslunareiginleika okkar, söfnum við upplýsingum um kaupin eða greiðsluna, svo sem greiðslukortaupplýsingar, reikninga, afhendingu og samskiptaupplýsingar, sem og vörur sem þú keyptir.
Kannanir, rannsóknir og kynningar. Við söfnum upplýsingum sem þú veitir ef þú velur að taka þátt í könnun, rannsókn, kynningu, keppni, markaðsherferð eða viðburði sem við bjóðum upp á eða stöndum að.
Upplýsingar þegar þú hefur samband við okkur. Þegar þú hefur samband við okkur söfnum við upplýsingum sem þú sendir okkur, svo sem auðkenningu eða aldri, endurgjöf eða fyrirspurnum um notkun þína á kerfinu eða upplýsingum um hugsanleg brot á þjónustuskilmálum okkar („skilmálarnir“), reglum netsamfélagsins („leiðbeiningarnar“) eða öðrum reglum.
Upplýsingar úr eyðublöðum og eiginleikum sem þú notar. Við söfnum upplýsingunum sem þú veitir þegar þú fyllir út eyðublað í kerfinu. Þú getur látið TikTok fylla sjálfkrafa út eyðublöð með reikningsupplýsingum þínum, á borð við heimilisföng eða greiðsluupplýsingar.

Upplýsingar sem er safnað sjálfkrafa

Tæknilegar upplýsingar. Við söfnum ákveðnum upplýsingum um tæki og nettengingu þegar þú opnar kerfið. Þessar upplýsingar innihalda gerð tækis, stýrikerfi, lyklaborðsmynstur eða takta, IP-tölu, tungumál kerfisins og stillingar tækisins. Við söfnum einnig þjónustutengdum upplýsingum, greiningum og afkastaupplýsingum, þar á meðal hrunskýrslum og afkastaklöddum. Við úthlutum þér sjálfkrafa tækisauðkenni og notandaauðkenni. Þegar þú skráir þig inn á mörgum tækjum notum við upplýsingar á borð við tækisauðkenni og notandaauðkenni til að auðkenna virkni þína í mismunandi tækjum til að veita þér hnökralausa innskráningarupplifun og til að tryggja öryggi þitt.
Staðsetningarupplýsingar. Við söfnum sjálfkrafa upplýsingum um áætlaða staðsetningu þína (t.d. land, ríki eða borg) út frá tæknilegum upplýsingum þínum (eins og SIM-korti og IP-tölu). Þar sem þú virkjar staðsetningarþjónustu fyrir TikTok-forritið í tækjastillingum söfnum við einnig nákvæmum staðsetningarupplýsingum úr tækinu þínu. Smelltu hér til að fá frekari upplýsingar um það hvernig við söfnum staðsetningarupplýsingum.
Notkunarupplýsingar. Við söfnum upplýsingum um það hvernig þú notar kerfið, þar á meðal hvernig þú notar efni og auglýsingar, tíðni og tímalengd notkunar, samskipti þín við aðra notendur og leitarferil þinn.
Einkenni og eiginleikar efnis. Við greinum og söfnum einkennum og eiginleikum um myndskeið, myndir og hljóðupptökur sem eru hluti af notendaefni þínu, til dæmis með því að auðkenna hluti og landslag, tilvist eða staðsetningu andlits eða annars líkamshluta á mynd og texta orða sem töluð eru í notendaefni þínu. Þetta gerum við til dæmis fyrir efnisstjórnun og til að bjóða upp á tæknibrellur (eins og myndbandssíur og notandamyndir) og myndatexta.
Ályktaðar upplýsingar. Við drögum ályktanir um eiginleika þína (svo sem aldur og kyn) og áhugamál út frá þeim upplýsingum sem við höfum um þig. Við notum til dæmis ályktanir til að gæta öryggis kerfisins (m.a. fyrir efnisstjórnun), til að sýna þér viðeigandi upplýsingar og, þar sem slíkt er leyfilegt, til að birta þér sérsniðnar auglýsingar út frá áhugamálum þínum.
Kökur. Við notum kökur og svipaða rakningartækni til að starfrækja og veita kerfið. Til dæmis notum við kökur til að muna tungumálastillingar þínar, ganga úr skugga um að þú sjáir ekki sama myndbandið oftar en einu sinni og af öryggisástæðum. Við notum einnig þessa tækni í markaðssetningu. Frekari upplýsingar um notkun okkar á vefkökum má finna í stefnu okkar um vefkökur. Við munum fá samþykki þitt fyrir notkun okkar á kökum þar sem þess er krafist samkvæmt lögum.

Upplýsingar frá öðrum aðilum

Auglýsingar, mælingar og aðrir samstarfsaðilar. Auglýsendur, mælingar og aðrir samstarfsaðilar deila upplýsingum með okkur um þig og um aðgerðir þínar utan kerfisins, svo sem aðgerðir þínar á öðrum vefsvæðum og forritum eða í verslunum, þar á meðal um vörur eða þjónustu sem þú hefur keypt, á netinu eða í eigin persónu. Þessir samstarfsaðilar deila einnig upplýsingum með okkur, svo sem farsímaauðkennum fyrir auglýsingar, styttum netföngum og símanúmerum og smákökuauðkennum, sem við notum til að tengja þig og aðgerðir þínar utan kerfisins við TikTok-reikninginn þinn. Sumir auglýsendur okkar og aðrir samstarfsaðilar gera okkur kleift að safna svipuðum upplýsingum beint af vefsíðu sinni eða forriti með því að samþætta TikTok-auglýsendatólin okkar (eins og TikTok Pixel). Þessum samstarfsaðilum er skylt að hafa aflað sér þar að lútandi réttinda og heimilda áður en þeir deila upplýsingunum þínum með okkur. Við vinnum úr tilteknum upplýsingum sem við fáum frá þessum samstarfsaðilum sem sameiginlegur ábyrgðaraðili gagna með þeim. Hér færðu frekari upplýsingar um fyrirkomulagið með þessum samstarfsaðilum.
Seljendur og greiðslu- og afhendingarþjónustur. Við fáum upplýsingar um þig frá seljendum sem og greiðslu- og afhendingarþjónustum, svo sem upplýsingar um staðfestingu á greiðslu og upplýsingar um afhendingu á vörum sem þú hefur keypt í gegnum verslunareiginleika okkar.
Kerfi þriðju aðila og samstarfsaðilar. Kerfi þriðju aðila veita okkur upplýsingar (svo sem netfang þitt, auðkenni og opinbera notandalýsingu) þegar þú velur að nýskrá þig eða skrá þig inn í kerfið með því að nota innskráningareiginleika sem þessir þriðju aðilar bjóða upp á. Við gætum einnig fengið samskiptaupplýsingar um þig frá þér eða öðrum þegar þú eða annar notandi samstillir samskiptaupplýsingar við kerfið okkar. Þegar þú átt í samskiptum við þjónustu þriðju aðila (eins og forrit þriðju aðila, vefsvæði eða vörur) sem samþætta TikTok-þróunartól munum við fá upplýsingar sem eru nauðsynlegar til að bjóða þér upp á eiginleika á borð við sannvottun milli þjónustuaðila eða birtingu efnis milli kerfa. Þetta gerist til dæmis ef þú skráir þig inn á annað kerfi með TikTok-reikningnum þínum eða ef þú notar hnappinn „deila“ í kerfi þriðja aðila til að deila efni þaðan í kerfinu. Við gætum einnig fengið upplýsingar frá þriðju aðilum sem við notum í öryggisskyni, þar á meðal til að vernda notendur kerfisins og til að hafa umsjón með efnisinnihaldi.
Upplýsingar frá öðrum aðilum. Við kunnum að safna eða taka á móti upplýsingum um þig frá samtökum, fyrirtækjum, fólki og öðrum, þar á meðal úr opinberum gögnum, frá opinberum yfirvöldum, fagfélögum og góðgerðasamtökum. Við söfnum einnig upplýsingum um þig þar sem þú kemur fram eða minnst er á þig í notendaefni, skilaboðum, kvörtun, áfrýjun, beiðni eða endurgjöf frá notanda eða þriðja aðila, eða ef notandi lætur okkur í té samskiptaupplýsingar þínar.

Hvernig við notum upplýsingarnar þínar

Við notum upplýsingar um þig til að reka, bjóða upp á, þróa og bæta kerfið, þar á meðal í eftirfarandi tilgangi. Nánari upplýsingar er að finna í „Lagagrundvöllur okkar og hvernig við vinnum úr upplýsingum þínum“.

Bjóða upp á og stjórna kerfinu, svo sem til að gera þér kleift að búa til, deila og nota efni, til að hafa samskipti við aðra notendur og efni þeirra og veita notendaþjónustu.
Bjóða upp á verslunareiginleika okkar (svo sem sérsniðin verslunarfríðindi) og auðvelda kaup og afhendingu á vörum, varningi og þjónustu, þ.m.t. að deila upplýsingum þínum með seljendum, greiðslu- og afhendingarþjónustum og öðrum þjónustuveitum til að vinna úr pöntunum þínum.
Sérsníða og sérstilla tiltekna eiginleika og efni, svo sem að útvega strauminn „fyrir þig“ og verkfæri til að búa til efni.
Framfylgja skilmálum okkar, leiðbeiningum og öðrum reglum sem eiga við um þig. Við förum yfir notendaefni og aðrar upplýsingar með blöndu af tækni (þar á meðal með sjálfvirkum hætti) og mannauði til að tryggja öryggi og velferð samfélags okkar.
Bjóða upp á ákveðna gagnvirka eiginleika eins og að gera kleift að nota efnið þitt í myndböndum annarra notenda,
Stinga upp á reikningnum þínum við aðra notendur og benda þér á aðra notendareikninga til að hjálpa þér að tengjast öðrum notendum.
Bjóða upp á og bæta auglýsingaþjónustu okkar, þar á meðal til að birta auglýsingar (þar á meðal sérsniðnar auglýsingar, þar sem það er leyfilegt).
Búa til greiningarskýrslur svo samstarfsaðilar, seljendur og höfundar efnis geti séð hvernig viðtökur efni þeirra, auglýsingar eða vörur fá og öðlist þannig aukinn skilning á markhópi sínum og kaupendum.
Viðhalda og auka öryggi og stöðugleika kerfisins með því að greina og finna lausn á tækni- eða öryggisvandamálum (svo sem tæknilegum villum, ruslpóstsreikningum og greina misnotkun, svik og ólöglegt athæfi).
Endurskoða, bæta og þróa kerfið, þar á meðal með því að fylgjast með samskiptum og notkun í tækjunum þínum, greina hvernig fólk notar það og með því að þjálfa, prófa og bæta tækni okkar, svo sem vélnámslíkön okkar og reiknirit.
Deila upplýsingum þínum með kerfum þriðja aðila til að bjóða þér upp á eiginleika, á borð við efnisdeilingu, að þinni beiðni þegar þú samþættir TikTok-reikninginn þinn við þjónustu þriðja aðila.
Auðvelda rannsóknir óháðra rannsakenda sem uppfylla ákveðin skilyrði.
Kynna kerfið eða þjónustu þriðja aðila með markaðssamskiptum, samkeppnum eða kynningartilboðum.
Auðvelda seljendum að senda þér markaðsefni í kerfinu okkar. Við þessar aðstæður erum við og seljendurnir sameiginlegir ábyrgðaraðilar gagna. Hér færðu frekari upplýsingar um fyrirkomulagið með þessum seljendum.
Fylgja lagalegum skyldum okkar, eða eins og nauðsynlegt er til að sinna verkefnum í þágu almannahagsmuna, eða til að vernda mikilvæga hagsmuni notenda okkar og annarra.
Verja kerfið og standa vörð um lagalegan rétt og viðskiptahagsmuni okkar, hlutdeildarfélaga okkar, notenda og almennings.

Þjónustuveitur

Við fáum þjónustuveitendur til að aðstoða okkur við að veita, bjóða upp á og þróa kerfið og skilja hvernig það er notað. Þeir veita þjónustu svo sem skýjahýsingu, afhendingu efnis, notenda- og tækniþjónustu, efnisstjórnun, markaðssetningu, greiningu og netgreiðslur.

Við deilum upplýsingum sem þú veitir, upplýsingum sem er safnað sjálfvirkt og upplýsingum frá öðrum aðilum með þessum þjónustuveitendum eftir þörfum til að gera þeim kleift að veita þjónustu sína.

Samstarfsaðilar

Kerfi þriðju aðila og samstarfsaðilar. Við deilum takmörkuðum upplýsingum sem geta falið í sér upplýsingar sem þú veitir, tæknilegar upplýsingar og notkunarupplýsingar með kerfum þriðju aðila og samstarfsaðilum sem eru með kerfi eða þjónustu sem er samþætt kerfinu, eða sem við erum í viðskiptasambandi við. Við gerum þetta til að veita þér hnökralausa upplifun, gera þér kleift að deila efninu þínu í öðrum kerfum, gera seljendum kleift að skoða og hafa umsjón með pöntunum þínum í gegnum verslunareiginleika okkar og/eða gera kerfum þriðju aðila og samstarfsaðilum kleift að auðkenna notendur betur. Nokkur dæmi um slíkt eru:

ef þú skráir þig inn á kerfi þriðja aðila með reikningnum þínum deilum við grunnupplýsingum um reikninginn þinn og öðrum upplýsingum sem þú gefur upp,
ef þú nýskráir þig eða skráir þig inn í kerfið með því að nota reikningsupplýsingar þínar úr kerfi þriðja aðila (svo sem Facebook eða Google) munum við deila tilteknum tæknilegum upplýsingum til að gera þetta mögulegt,
ef þú deilir notendaefni sem þú birtir í kerfinu á öðrum samfélagsmiðlum munum við deila notendaefni þínu og tengdum upplýsingum.

Auglýsendur. Við gefum auglýsendum skýrslur um frammistöðu auglýsinga þeirra og annars efnis í kerfinu til að hjálpa þeim að mæla skilvirkni þeirra og skilja markhópinn. Þessar skýrslur innihalda uppsafnaðar upplýsingar um tilteknar upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum. Við deilum engum upplýsingum með auglýsendum sem hægt væri að nota til að hafa samband við þig (svo sem nafni þínu eða netfangi) nema þú leyfir okkur það.

Mælingar og gagnasamstarfsaðilar. Við deilum upplýsingum sem þú veitir, tæknilegum upplýsingum og notkunarupplýsingum með þriðju aðilum sem taka saman skýrslur til að hjálpa okkur að mæla auglýsingar sem birtast í kerfinu og hjálpa auglýsendum okkar að skilja árangurinn af auglýsingunum og markhóp þeirra.

Seljendur og þjónustuveitendur þeirra. Þegar þú greiðir í gegnum verslunareiginleikana í kerfinu okkar deilum við upplýsingum um kaup sem tengjast viðskiptunum við seljendur og þjónustuveitendurna sem starfa fyrir þeirra hönd. Þar á meðal eru samskiptaupplýsingar og afhendingarupplýsingar svo að hægt sé að vinna úr pöntuninni. Við deilum einnig tilteknum tæknilegum upplýsingum um tækið þitt eða tengingu við þessa aðila til að tryggja öryggi færslnanna. Þegar keypt er í gegnum verslunareiginleika okkar skaltu fara yfir upplýsingarnar um vöruna og staðsetningu seljanda sem fram koma í kerfinu til að sjá hvert upplýsingarnar þínar verða sendar.

Notendur greiningarþjónustu okkar. Við veitum uppsafnaða tölfræði og innsýn til að hjálpa fólki og fyrirtækjum að skilja hvernig fólk notar kerfið. Til dæmis geta höfundar, auglýsendur og seljendur fengið upplýsingar um fjölda áhorfa, athugasemda og deilinga á efni sínu og hversu mörgum líkar við það, auk upplýsinga til að skilja fylgjendur sína, kaupendur og áhorfendur efnis síns. Við búum til þessar uppsöfnuðu upplýsingar með því að nota upplýsingar sem þú veitir og upplýsingar sem safnað er sjálfkrafa. Við tilteknar aðstæður er TikTok sameiginlegur ábyrgðaraðili með TikTok-reikningshöfum í þessari vinnslu. Fáðu frekari upplýsingar um sameiginlega vinnslu upplýsinga fyrir TikTok-gagnagreiningu.

Fyrirtækjasamstæðan okkar

Kerfið er hluti af alþjóðlegu fyrirtæki og fær stuðning frá ákveðnum aðilum innan fyrirtækjasamstæðunnar („fyrirtækjasamstæðan“). Þessir aðilar vinna úr upplýsingum sem þú veitir, upplýsingum sem safnað er sjálfkrafa og upplýsingum frá öðrum aðilum fyrir okkur, eins og þörf krefur, til að bjóða upp á tilteknar aðgerðir, svo sem geymslu, afhendingu efnis, öryggi, rannsóknir og þróun, greiningu, netgreiðslur, viðskiptavinaþjónustu, tæknilega aðstoð og efnisstjórnun. Frekari upplýsingar er að finna í Alþjóðleg starfsemi okkar og gagnaflutningur.

Annað

Við deilum upplýsingum þínum í öðrum takmörkuðum aðstæðum á eftirfarandi hátt:

Notendur og almenningur. Í samræmi við persónuverndarstillingar þínar geta upplýsingar þínar, þar á meðal reikningsupplýsingar, notendaefni og notkunarupplýsingar, verið sýnilegar öðrum notendum og almenningi. Ef þú ert til að mynda með opinn reikning og hefur ekki takmarkað sýnileika einstakra færslna þinna getur hver sem er skoðað og deilt reikningsupplýsingum þínum og notendaefni bæði í og utan kerfisins, hvort sem viðkomandi er með TikTok-reikning eða ekki. Það fer eftir persónuverndarstillingum þínum hvort reikningsupplýsingar og notendaefni þitt birtist á leitarvélum, í samantekt efnis og á fréttasíðum. Þú getur kynnt þér tegundir reikninga og persónuverndarstillingar, þar á meðal hvernig á að takmarka fjölda áhorfenda fyrir myndskeiðin þín hér.

Óháðir rannsakendur: Við deilum upplýsingum þínum með óháðum rannsakendum til að auðvelda rannsóknir sem uppfylla ákveðin skilyrði eins og lýst er í Lagagrundvöllur okkar og hvernig við vinnum úr upplýsingum þínum.

Fyrirtækjaviðskipti. Upplýsingar um þig gætu verið afhentar þriðja aðila í tengslum við fyrirtækjaviðskipti, eins og samruna, sölu eigna eða hlutabréfa, endurskipulagningu, fjármögnun, breytingu á stjórn eða yfirtöku á allri starfsemi okkar eða hluta hennar.

Lagalegar skyldur og réttindi. Við kunnum að fá aðgang að, varðveita og deila upplýsingunum sem lýst er í „Upplýsingar sem við söfnum“ með löggæsluyfirvöldum, opinberum yfirvöldum, rannsóknaraðilum, handhöfum höfundaréttar eða öðrum þriðju aðilum ef við, í góðri trú, teljum að það sé nauðsynlegt til að:

fara að gildandi lögum, lagalegum ferlum eða beiðnum yfirvalda í samræmi við alþjóðlega viðurkennda staðla,
vernda réttindi, eignir og öryggi notenda okkar, handhafa höfundaréttar og annarra, þar á meðal til að vernda líf eða koma í veg fyrir yfirvofandi líkamstjón. Til dæmis gætum við veitt upplýsingar (eins og IP-tölu þína) til löggæsluyfirvalda í neyðartilvikum þar sem líf eða öryggi einhvers er í hættu,
rannsaka hugsanleg brot á skilmálum okkar og framfylgja þeim, sem og leiðbeiningum eða öðrum viðeigandi skilmálum, reglum eða viðmiðum, eða
greina, rannsaka, koma í veg fyrir eða bregðast við villandi athöfnum, brotum gegn höfundarétti eða annarri ólöglegri starfsemi.

Frekari upplýsingar um hvernig við meðhöndlum beiðnir frá löggæslustofnunum og opinberum yfirvöldum er að finna í leiðbeiningum um lagaframkvæmd.

Lagagrundvöllur okkar og hvernig við vinnum úr upplýsingum þínum

Við megum aðeins nota upplýsingarnar þínar þegar „lagagrundvöllur“ til þess er fyrir hendi. Við notum mismunandi lagagrundvöll eftir því hvers vegna við notum upplýsingarnar þínar (með öðrum orðum eftir „tilgangi“ úrvinnslunnar). Þessi lagagrundvöllur er samningsbundin nauðsyn, lögmætir hagsmunir (okkar, þínir eða annarra aðila), samþykki, fylgni við lagalega skuldbindingu, framkvæmd verkefnis í þágu almannahagsmuna og verndun mikilvægra hagsmuna.

Hér útskýrum við lagagrundvöllinn sem við reiðum okkur á þegar við vinnum úr upplýsingum þínum. Í þessum hluta er einnig útskýrt hvers vegna við notum upplýsingarnar þínar, hvernig unnið er úr þessum upplýsingum, hvaða flokka upplýsinga er um að ræða og tilheyrandi réttindi (sem fela alltaf í sér réttinn til að fá aðgang að upplýsingunum þínum). Frekari upplýsingar um hvernig þú getur nýtt þér réttindi þín er að finna í hlutanum „Réttindi þín og valkostir“ í persónuverndarstefnunni.

Samningsbundin nauðsyn

Ef þú nýtur löghæfis til að gera framfylgjanlegan samning notum við upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum þar sem nauðsynlegt er til að framfylgja samningnum sem þú gerir (skilmálarnir okkar) þegar þú skráir þig í, færð aðgang að eða notar kerfið. Þetta þýðir að við notum upplýsingarnar þínar til að:

Bjóða þér upp á kerfið. Við notum upplýsingar þínar til að gefa þér aðgang að kerfinu og nota það, þar á meðal að leyfa þér að búa til, deila og nota efni, eiga í samskiptum við aðra, nýta þér samfélagseiginleika og veita þér vörur og þjónustu til kaupa.
Sérsníða eiginleika og efni. Við sérsníðum einnig tiltekna eiginleika og efni, svo sem að bjóða upp á strauminn „fyrir þig“, sem sýnir þér myndbönd sem við teljum að þú gætir haft áhuga á (sjá frekari upplýsingar hér) og með því að stinga upp á reikningum fyrir þig.
Sinna vörupöntunum og afhendingu. Við notum upplýsingarnar þínar til að vinna úr pöntunum, til dæmis til að auðvelda kaup og afhendingu á vörum, og eiga í samskiptum við þig vegna pantana þinna. Þetta felur í sér að deila upplýsingum um kaup með seljendum, greiðslu- og afhendingarþjónustum og öðrum þjónustuveitum
Framfylgja skilmálum okkar, leiðbeiningum eða reglum. Við notum upplýsingarnar þínar til að framfylgja skilmálum okkar, leiðbeiningum og reglum (þar á meðal með sjálfvirkum hætti og með mannauði okkar). Þetta getur falið í sér aldurstakmarkanir eða fjarlægingu á efni, skilyrði fyrir dreifingu á straumnum „fyrir þig“, eða loka eða banna reikninginn þinn ef við ákvörðum að þú sért að brjóta gegn skilmálum okkar eða leiðbeiningum.
Stjórna kerfinu. Við notum einnig upplýsingarnar sem við höfum til að stjórna kerfinu, svo sem til að eiga samskipti við þig um þjónustutengd mál, láta þig fá nýjar upplýsingar og aðstoð varðandi kaup sem þú gerir á eða í gegnum kerfið og svara og vinna úr fyrirspurnum þínum, kröfum eða ágreiningi (þar á meðal þegar þú segir okkur frá vandamáli eða biður um afrit af upplýsingum þínum).

Réttindi þín: Í hvert sinn sem við notum upplýsingar þínar á grundvelli þess að það sé nauðsynlegt fyrir samninginn sem við höfum gert við þig hefur þú rétt á að flytja upplýsingar sem þú hefur látið okkur í té.

Lögmætir hagsmunir

Við notum upplýsingar þínar þegar það er nauðsynlegt vegna lögmætra hagsmuna - hvort sem þeir tilheyra okkur, þér eða þriðja aðila - að því tilskildu að hagsmunir þínir eða grundvallarréttindi og frelsi vegi ekki þyngra en þessir hagsmunir. Við notum þær upplýsingar sem við söfnum til að:

Leyfa notendum að búa til efni með gagnvirkum eiginleikum.

Gagnvirkir eiginleikar eins og Duet og Stitch gera öðrum notendum kleift að setja myndböndin þín inn í myndböndin sín (ef þú heimilar það í stillingunum þínum).
Lögmætir hagsmunir sem stuðst er við: Til að veita notendum verkfæri til að hvetja til sköpunar og samvinnu, veita ánægju og skapa tækifæri fyrir notendur til að ná til nýrra áhorfenda.
Upplýsingar sem eru notaðar: Upplýsingar sem þú veitir og upplýsingar sem safnað er sjálfkrafa.

Stinga upp á reikningnum þínum fyrir aðra notendur.

Við gætum stungið upp á reikningnum þínum fyrir aðra notendur, þar á meðal þegar notandi velur að samstilla tengiliði sína við kerfið.
Lögmætir hagsmunir sem stuðst er við: Til að gera notendum kleift að finna og tengjast öðrum notendum á fljótlegan og aðgengilegan hátt.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Veita öllum notendum almennar auglýsingar.

Við sýnum öllum notendum almennar auglýsingar, þar á meðal þeim sem hafa kosið að fá ekki sérsniðnar auglýsingar.
Lögmætir hagsmunir sem stuðst er við: Við birtum almennar auglýsingar til að kerfið sé gjaldfrjálst. Við vinnum úr takmörkuðum flokkum upplýsinga þinna til að tryggja að auglýsingaþjónusta okkar gagnist auglýsendum okkar (til dæmis til að birta notendum efni í tilteknu landi eða notendum sem tala sama tungumál).
Upplýsingar sem eru notaðar: Upplýsingar sem þú veitir og upplýsingar sem safnað er sjálfkrafa.

Veita mælingar og greiningu.

Við hjálpum höfundum, seljendum og auglýsendum að mæla skilvirkni og dreifingu auglýsinga og annars efnis sem skoðað er í kerfinu.
Lögmætir hagsmunir sem stuðst er við: Til að gera höfundum, seljendum og auglýsendum kleift að skoða og skilja útbreiðslu auglýsinga sinna eða efnis og áhorfendur sem horfðu á eða brugðust við auglýsingum þeirra eða efni. Þetta er gert til að þeir geti tekið upplýstar ákvarðanir (svo sem hvers konar auglýsingaherferðir þeir gætu viljað keyra, hvaða áhorfenda þeir vilja ná til og hvers konar efni notendur kjósa helst). Þetta hjálpar til við að tryggja að auglýsingar og annað efni sem við sýnum notendum sé viðeigandi og skemmtilegt og tryggir að kerfið sé ókeypis fyrir alla notendur.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Tryggja öryggi og velferð samfélagsins okkar.

Við notum upplýsingar þínar til að tryggja öryggi og velferð samfélags okkar, þar á meðal með því að fara yfir notendaefni (og ef gildandi lög leyfa það, skilaboð og tengd lýsigögn) með tilliti til brota á skilmálum okkar, leiðbeiningum og öðrum reglum. Við ályktum einnig aldursbil þitt og við tilteknar aðstæður kunnum við að biðja þig um að veita frekari upplýsingar til að staðfesta aldur þinn.
Lögmætir hagsmunir sem stuðst er við: Til að gæta öryggis samfélags okkar, fylgjast með reglufylgni við leiðbeiningar okkar og bera kennsl á misnotkun á kerfinu.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Tryggja öryggi og stöðugleika kerfisins.

Við notum upplýsingar þínar til að tryggja stöðugleika og öryggi kerfisins, þar á meðal með því að bera kennsl á og vinna gegn tæknilegum vandamálum eða öryggisvandamálum (svo sem tæknivillum og ruslreikningum og til að greina misnotkun, svik og ólöglega starfsemi).
Lögmætir hagsmunir sem stuðst er við: Til að tryggja áframhaldandi stöðugleika og öryggi kerfisins og til að tryggja að það sé ávallt tiltækt og virki.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Fara yfir, bæta, kynna og þróa kerfið.

Við notum þær upplýsingar sem við búum yfir til að skilja hvernig fólk notar kerfið og til að þróa, prófa og gera endurbætur á kerfinu, þar á meðal að þróa og bæta tækni okkar, svo sem vélnámslíkön okkar og algrím. Við notum þessar upplýsingar einnig til að skilja og kynna betur kerfið, vinsæl viðfangsefni og nýja tískustrauma og til að bjóða tiltekna sérsniðna eiginleika. Við förum líka yfir samskipti þín við notendaþjónustuna til að bæta tæknina sem styður við slíkar aðgerðir.
Lögmætir hagsmunir sem stuðst er við: Til að bæta, kynna og þróa kerfið á upplýstan hátt.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Stuðla að sjálfstæðum rannsóknum.

Við deilum upplýsingum þínum með óháðum rannsakendum til að auðvelda rannsóknir sem uppfylla ákveðin skilyrði, þar á meðal þar sem slíkir rannsakendur hafa sannanlega reynslu og sérþekkingu á sínu sviði. Smelltu hér til að fá frekari upplýsingar
Lögmætir hagsmunir sem stuðst er við: Að auðvelda óháðar rannsóknir sem miða að því að þróa sameiginlega þekkingu samfélagsins, þar á meðal rannsóknir á villandi og röngum upplýsingum, ofbeldi, netglæpum og tískustraumum í samfélaginu.
Upplýsingar sem eru notaðar: Upplýsingar sem þú veitir og upplýsingar sem safnað er sjálfkrafa.

Deila upplýsingum með þriðju aðilum.

Við deilum upplýsingum þínum með þriðju aðilum ef kerfi þeirra eða þjónusta er samþætt kerfinu eða gerð tiltæk með öðrum hætti í því.
Lögmætir hagsmunir sem stuðst er við: Að veita þér sem besta upplifun, leyfa deilingu efnisins þíns í öðrum kerfum, heimila þriðju aðilum að auðkenna notendur og til að efna viðskiptasamninga.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Vernda kerfið og standa vörð um lagalegan rétt

Við kunnum að nota upplýsingarnar þínar þegar við búum okkur undir, grípum til eða verjumst yfirstandandi eða væntanlegum lagalegum kröfum eða málaferlum (þar á meðal rannsaka mögulegar kröfur sem okkur hafa verið birtar eða sem við vitum af).
Lögmætir hagsmunir sem stuðst er við: að vernda kerfið og verja lagalegan rétt og viðskiptahagsmuni okkar, hlutdeildarfélaga okkar, notenda okkar og almennings.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Markaðsefni.

Við kunnum að senda þér markaðsskilaboð um kerfið og vörur og þjónustu þriðju aðila sem við teljum að þú gætir haft áhuga á. Þegar þess er þörf fáum við samþykki þitt til að senda þér slík skilaboð.
Lögmætir hagsmunir sem stuðst er við: Til að kynna kerfið og vörur og þjónustu þriðju aðila.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Réttindi þín: Í hvert sinn sem við notum upplýsingar þínar á þeim grundvelli að það sé nauðsynlegt vegna lögmætra hagsmuna getur þú mótmælt því og farið fram á takmörkun á slíkri notkun.

Ef þú ert undir lögaldri (yngri en 18 ára í flestum tilheyrandi löndum), með takmarkaða getu til að gera framfylgjanlegan samning, þar sem við kunnum að vera ófær um að vinna úr upplýsingum þínum á grundvelli samningsbundinna nauðsynja, reiðum við okkur á lögmæta hagsmuni og notum upplýsingarnar sem við söfnum til að:

Bjóða þér upp á kerfið

Við notum upplýsingar þínar til að gefa þér aðgang að kerfinu og nota það, þar á meðal að leyfa þér að búa til, deila og nota efni, eiga í samskiptum við aðra, nýta þér eiginleika og veita þér vörur og þjónustu til kaupa.
Lögmætir hagsmunir sem stuðst er við: Til að veita, styðja og viðhalda vörum og eiginleikum sem gera notendum sem ekki geta gert framfylgjanlegan samning við okkur kleift að eiga samskipti, finna efni, nota það og tjá sig. Við reiðum okkur einnig á lögmæta hagsmuni notenda okkar af því að hafa greiðan og notendavænan aðgang að kerfinu.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Sérsnið eiginleika og efnis

Við notum upplýsingarnar þínar til að sérsníða tiltekna eiginleika og efni í kerfinu, svo sem að bjóða upp á strauminn „fyrir þig“, sem sýnir þér myndbönd sem við teljum að þú gætir haft áhuga á (sjá frekari upplýsingar hér) og með því að stinga upp á reikningum fyrir þig.
Lögmætir hagsmunir sem stuðst er við: Til að veita, styðja og viðhalda vörum og eiginleikum sem gera notendum sem ekki geta gert framfylgjanlegan samning við okkur kleift að eiga samskipti, finna og búa til efni sem tengist áhugamálum þeirra og tengjast öðrum notendum. Við reiðum okkur einnig á lögmæta hagsmuni notenda okkar sem geta ekki gert framfylgjanlegan samning við okkur um aðgang að kerfinu og efni sem tengist áhugamálum þeirra.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Framfylgja skilmálum okkar, leiðbeiningum eða reglum.

Við notum upplýsingarnar þínar til að framfylgja skilmálum okkar, leiðbeiningum og reglum (þar á meðal með sjálfvirkum hætti og með mannauði okkar). Þetta getur falið í sér aldurstakmarkanir eða fjarlægingu á efni, skilyrði fyrir dreifingu á straumnum „fyrir þig“, eða loka eða banna reikninginn þinn ef við ákvörðum að þú sért að brjóta gegn skilmálum okkar eða leiðbeiningum.
Lögmætir hagsmunir sem stuðst er við: Að halda kerfinu lausu við skaðlegt eða óviðeigandi efni, til að rannsaka grunsamlegt athæfi eða brot á skilmálum okkar, leiðbeiningum eða reglum og til að vernda öryggi notenda sem geta ekki gert framfylgjanlegan samning við okkur, þar á meðal til að koma í veg fyrir misnotkun eða annan skaða sem slíkir einstaklingar geta verið sérstaklega berskjaldaðir fyrir. Það eru einnig lögmætir hagsmunir notenda okkar sem geta ekki gert framfylgjanlegan samning við okkur og alls almennings að koma í veg fyrir slæma upplifun og stuðla að öryggi og heilindum.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Stjórna kerfinu.

Við notum upplýsingarnar sem við höfum til að stjórna kerfinu, svo sem til að eiga samskipti við notendur og svara og vinna úr fyrirspurnum, kröfum eða ágreiningi (þar á meðal þegar þú segir okkur frá vandamáli eða biður um afrit af upplýsingunum þínum).
Lögmætir hagsmunir sem stuðst er við: Til að deila mikilvægum uppfærslum með notendum okkar sem ekki geta gert framfylgjanlegan samning við okkur um þjónustutengd mál og vinna úr fyrirspurnum þeirra, kröfum og ágreiningsmálum.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Samþykki þitt

Við biðjum um samþykki þitt til að fá aðgang að eða nota upplýsingar þínar í sérstökum tilgangi. Ef við gerum það getur þú alltaf afturkallað samþykki þitt í tækjaheimild þinni eða stillingum í forriti.

Sérsniðnar auglýsingar.

Með þínu samþykki birtum við þér sérsniðnar auglýsingar sem byggja á notkun þinni í kerfinu og utan þess. Smelltu hér til að fá frekari upplýsingar.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum í þessum tilgangi.

Geyma greiðslukortaupplýsingar þínar.

Með þínu samþykki geymum við greiðslukortaupplýsingar þínar til auðvelda færslur í kerfinu í framtíðinni.
Upplýsingar sem eru notaðar: Upplýsingar sem þú veitir

Markaðsefni seljenda.

Með þínu leyfi höfum við milligöngu um sendingu markaðsefnis frá seljendum í kerfinu og/eða deilum netfangi þínu með seljendum svo þeir geti sent þér markaðsefni.
Upplýsingar sem eru notaðar: Upplýsingar sem þú veitir og upplýsingar sem safnað er sjálfkrafa.

Heimildir tækis.

Við söfnum upplýsingum sem þú heimilar okkur að fá í gegnum stillingar þínar í tækinu (til dæmis aðgang að myndavél, ljósmyndum og staðsetningarþjónustu) og sem við notum svo í þeim tilgangi sem lýst er í þessari persónuverndarstefnu.
Upplýsingar sem eru notaðar: Upplýsingar sem þú veitir, upplýsingar sem safnað er sjálfkrafa og upplýsingar frá öðrum aðilum.

Réttindi þín: Þegar við notum persónuupplýsingar með þínu samþykki geturðu dregið það samþykki til baka hvenær sem er. Ef þú dregur samþykki þitt til baka hefur það hins vegar ekki áhrif á lögmæti þess að vinna úr upplýsingum þínum á grundvelli samþykkis þíns áður en þú dróst samþykki þitt til baka. Þú getur afturkallað samþykki þitt fyrir tilheyrandi stillingum á sérsniðnum auglýsingum með því að fylgja þessum leiðbeiningum.

Þú hefur einnig rétt á að framsenda upplýsingar sem þú hefur látið okkur fá og við notum á grundvelli samþykkis þíns.

Uppfylling lagalegra skuldbindinga

Við kunnum að nota upplýsingar þínar, þar á meðal reikningsupplýsingarnar þínar eða notendaefni þar sem það er nauðsynlegt til að fylgja lagalegum skuldbindingum. Þetta á meðal annars við um aðstæður þar sem okkur ber skylda til að hafa samband við þig, gera ráðstafanir til að tryggja öryggi notenda okkar eða verða við réttmætri lagalegri beiðni á borð við fyrirskipun eða birtingu frá eftirlitsaðilum, löggæslustofnunum eða dómstólum. Við notum almennt upplýsingar sem þú veitir og upplýsingar sem safnað er sjálfkrafa en það fer eftir aðstæðum hverju sinni.

Til að vinna verk í þágu almennings

Við kunnum að nota upplýsingar þínar þar sem það er nauðsynlegt til að vinna verk í þágu almennings, þar á meðal að framkvæma rannsóknir, koma í veg fyrir og greina glæpi, vernda börn og stuðla að almannaöryggi, öryggi og heilindum eins og mælt er fyrir um í gildandi lögum. Við notum almennt upplýsingar sem þú veitir og upplýsingar sem safnað er sjálfkrafa en það fer eftir aðstæðum hverju sinni.

Réttindi þín: Þegar við notum upplýsingar þínar á grundvelli þess að það sé nauðsynlegt fyrir verk sem unnið er í þágu almannahagsmuna hefur þú rétt á að andmæla og krefjast takmarkana á þeirri notkun.

Til að vernda mikilvæga hagsmuni einhvers

Við kunnum að nota upplýsingarnar þínar þar sem það reynist nauðsynlegt til að bjarga lífi þínu eða annarra, forðast meiðsli eða tryggja öryggi. Þetta gæti meðal annars falið í sér að veita löggæslustofnunum eða neyðarþjónustu upplýsingar í neyðartilfellum til að bjarga lífi eða forðast heilsutjón. Við veitum almennt upplýsingar sem þú veitir og upplýsingar sem safnað er sjálfkrafa en það fer eftir aðstæðum hverju sinni.

Réttindi þín og valkostir

Þú hefur réttindi og val þegar kemur að upplýsingunum þínum. Sum þessara réttinda eru almenn en önnur gilda aðeins við tilteknar aðstæður. Þessi réttindi gætu verið háð einhverjum takmörkunum eftir aðstæðum. TikTok Ireland mun bera ábyrgð á að svara beiðni þinni innan viðeigandi tímabila sem kveðið er á um í lögum. TikTok Ireland mun hafa samband við TikTok UK ef það er nauðsynlegt til að verða við beiðni þinni.

Aðgangur að upplýsingunum þínum. Þú getur beðið okkur, þér að kostnaðarlausu, um að staðfesta hvaða upplýsingar við vinnum um þig, að veita ákveðnar upplýsingar um úrvinnsluna og fá afrit af upplýsingunum þínum. Stýringar í forriti gera þér kleift að:

fá aðgang að upplýsingum þínum sem standa öðrum notendum til boða þegar þú ferð á flipann „ég“ í reikningnum þínum.
óska eftir afriti af upplýsingunum þínum með því að nota verkfærið „Hlaða niður gögnunum þínum“. Smelltu hér til að fá ítarlegar upplýsingar.

Eyða upplýsingunum þínum. Þú getur eytt eða beðið okkur um að eyða upplýsingum þínum. Stýringar í forriti gera þér kleift að:

eyða efninu sem er birt í reikningsupplýsingum þínum, svo sem notendaefni og reikningsupplýsingum þínum.
eyða reikningnum þínum varanlega. Smelltu hér til að fá ítarlegar upplýsingar.
fara fram á að tilteknu efni sé eytt með því að nota tilkynningaeiginleikann í forritinu (frekari upplýsingar má finna hér).

Leiðrétting upplýsinganna þinna. Þú getur breytt eða beðið okkur um að breyta eða leiðrétta upplýsingarnar þínar ef þær eru ekki réttar. Þú getur breytt eða leiðrétt mikið af upplýsingunum þínum í gegnum stjórntæki og stillingar í forritinu (eins og reikningsupplýsingar og efni myndbanda).

Framsenda upplýsingarnar þínar. Þú átt rétt á að flytja eigin gögn við aðstæður þar sem við reiðum okkur á samningsbundna nauðsyn eða samþykki sem lagalegan grundvöll. Þetta þýðir að þú átt rétt á að fá upplýsingar um þig á skipulegu, algengu, tölvusamhæfu sniði og deila þeim með þriðja aðila. Þú getur nýtt rétt þinn til að flytja gögn með því að velja „Hlaða niður gögnunum þínum“ í stillingunum þínum. Smelltu hér til að fá ítarlegar upplýsingar. Þú getur líka flutt TikTok-gögnin þín í gegnum forritaskil (API) TikTok fyrir flutning gagna. Smelltu hér til að fá frekari upplýsingar.

Andmæla úrvinnslu upplýsinga þinna. Þú hefur einnig rétt á að andmæla vinnslu á upplýsingunum þínum við tilteknar aðstæður. Þessi réttur á við þegar við erum að sinna verki vegna almannahagsmuna, framfylgja lögmætum hagsmunum okkar eða þriðja aðila eða þegar unnið er úr gögnum þínum í þeim tilgangi að auðvelda vísindalegar eða sögulegar rannsóknir í tilteknum aðstæðum. Þegar þú sendir inn andmælabeiðni skaltu veita allar viðeigandi upplýsingar, þar á meðal um úrvinnsluna sem þú andmælir, ástæðu þess að þú vilt andmæla og hvaða áhrif úrvinnslan hefur á þig, sem og allar viðbótarupplýsingar sem þú telur að hjálpi okkur að fara yfir beiðnina þína. Við munum stöðva tiltekna úrvinnslu ef við höfum ekki brýnar lögmætar ástæður til að halda þeirri úrvinnslu áfram eða þurfum ekki á henni að halda vegna lagalegra krafna.

Takmarka vinnslu upplýsinganna þinna. Þú hefur rétt á að fara fram á að úrvinnsla persónuupplýsinga þinna sé takmörkuð þegar (a) þú véfengir nákvæmni upplýsinganna, (b) unnið hefur verið úr upplýsingunum með ólögmætum hætti en þú mótmælir eyðingu viðkomandi upplýsinga, (c) þú þarft að geyma upplýsingarnar til að leita réttar þíns eða verjast réttarkröfu, eða (d) þú hefur andmælt úrvinnslu og bíður niðurstöðu andmælabeiðninnar.

Ef þú vilt nýta þér einhver af ofangreindum réttindum skaltu hafa samband við okkur í gegnum vefeyðublaðið okkar. Áður en við getum svarað beiðni um að nýta þér ein eða fleiri ofangreind réttindi gætir þú þurft að staðfesta hver þú ert eða reikningsupplýsingar þínar eða veita viðbótarupplýsingar svo að við getum skilið beiðni þína.

Við hvetjum þig til að „hafa samband“ við okkur ef þú sættir þig ekki við hvernig við höfum brugðist við einhverri af réttindabeiðnunum þínum. Þú hefur einnig rétt á því að senda kvörtun til írsku gagnaverndarnefndarinnar (æðstu eftirlitsstofnunar TikTok á Írlandi) eða til eftirlitsstofnunar í þínu landi.

Auk þessara réttinda getur þú stjórnað persónuverndarstillingum fyrir reikninginn þinn. Smelltu hér til að fá frekari upplýsingar.

Val þitt um notkun upplýsinga í mismunandi þjónustu.

Ef þú ert notandi innan ESB bjóðum við þér möguleika á að sameina og samnýta virkni þína á TikTok í tengdri þjónustu okkar, svo sem TikTok Shop, þegar þess er krafist samkvæmt lögum. Frekari upplýsingar.

Öryggi og varðveisla gagna

Öryggi upplýsinganna þinna er okkur mikilvægt. Við gerum viðeigandi tæknilegar, stjórnunarlegar og efnislegar öryggisráðstafanir sem eru hannaðar til að vernda upplýsingar þínar gegn óheimilum aðgangi, þjófnaði, uppljóstrun, breytingum eða tapi. Við förum reglulega yfir öryggisráðstafanir okkar til að vega og meta nýja tækni og aðferðir sem eru í boði.

Við geymum upplýsingar eins lengi og nauðsynlegt er til að bjóða upp á kerfið og í öðrum tilgangi sem tilgreindur er í þessari persónuverndarstefnu. Við varðveitum einnig upplýsingar þegar það er nauðsynlegt til að uppfylla samningsbundnar og lagalegar skyldur, þegar við höfum lögmætra viðskiptahagsmuna að gæta (svo sem að bæta og þróa kerfið og auka öryggi og stöðugleika þess) og til að nýta eða verja réttarkröfur.

Varðveislutímabil verður mismunandi eftir gerð upplýsinga og í hvaða tilgangi við notum upplýsingarnar. Þegar við vinnum til dæmis úr upplýsingum þínum til að bjóða þér upp á kerfið geymum við þessar upplýsingar svo lengi sem þú ert með aðgang. Þessar upplýsingar innihalda reikningsupplýsingar þínar, notendaefni og skilaboð. Ef þú brýtur gegn leiðbeiningum okkar eða skilmálum getum við lokað á opinbera birtingu upplýsinga sem þú veitir, þar á meðal reikningsupplýsinga þinna og/eða notendaefnis tafarlaust en geymt upplýsingar þínar eins og nauðsynlegt er til að vinna úr brotinu.

Alþjóðleg starfsemi okkar og gagnaflutningur

Til að styðja við alþjóðlega starfsemi okkar:

Við geymum upplýsingarnar sem lýst er í hlutanum „Upplýsingar sem við söfnum“ á netþjónum í Bandaríkjunum, Malasíu og Singapúr.
Tilteknir aðilar í fyrirtækjasamstæðu okkar, sem staðsettir eru utan búsetulands þíns (sjá hér), fá takmarkaðan fjaraðgang að þessum upplýsingum svo þeir geti boðið upp á ákveðnar aðgerðir eins og lýst er í hlutanum um fyrirtækjasamstæðu okkar í „Hvernig við deilum upplýsingunum þínum“. Þessi aðgangur er takmarkaður, öruggur og aðeins veittur þar sem nauðsyn krefur undir ströngu öryggiseftirliti og heimildarreglum.
Við deilum „Upplýsingar sem við söfnum“ með þjónustuveitendum, samstarfsaðilum og öðrum þriðju aðilum eins og lýst er í „Hvernig við deilum upplýsingunum þínum“. Þessir þriðju aðilar kunna að vera staðsettir utan búsetulands þíns.

Þessir aðilar skuldbinda sig til að vinna úr upplýsingum í samræmi við gildandi persónuverndarlög og innleiða viðeigandi öryggisráðstafanir til að vernda upplýsingarnar þínar.

Þegar við flytjum upplýsingar þínar út fyrir EES, Bretland eða Sviss tryggjum við að þær njóti fullnægjandi gagnaverndar með því að treysta á:

Ákvarðanir um viðunandi vernd. Þetta eru ákvarðanir frá framkvæmdastjórn Evrópusambandsins samkvæmt 45. gr. almennu persónuverndarreglugerðarinnar (eða jafngildar ákvarðanir samkvæmt öðrum lögum) þar sem viðurkennt er að land bjóði upp á fullnægjandi gagnavernd. Við flytjum upplýsingar þínar eins og lýst er í „Upplýsingar sem við söfnum“ til sumra landa með viðunandi vernd, svo sem landanna sem talin eru upp hér; eða
49. grein. Sé ákvörðun um viðeigandi vernd ekki til staðar reiðum við okkur á b- og c-liði 1. mgr. 49. gr. almennu persónuverndarreglugerðarinnar (GDPR) til að flytja upplýsingar um kaup eins og lýst er í „Hvaða upplýsingum söfnum við“ til seljenda og greiðslu- og afhendingarþjónusta í löndum þar sem ekki telst vera viðunandi gagnavernd þegar þess er þörf fyrir verslunareiginleika sem greiða fyrir kaupum og afhendingu á vörum og þjónustu, eða til að afgreiða pantanir þínar, eða
Föst samningsákvæði. Framkvæmdastjórn Evrópusambandsins hefur samþykkt samningsákvæði samkvæmt 46. gr. almennu persónuverndarreglugerðarinnar sem heimila fyrirtækjum á Evrópska efnahagssvæðinu að flytja gögn út fyrir Evrópska efnahagssvæðið. Þessi ákvæði (og samþykkt jafngildi þeirra fyrir Bretland og Sviss) eru kölluð föst samningsákvæði. Við reiðum okkur á föst samningsákvæði til að flytja upplýsingar eins og lýst er í „Upplýsingar sem við söfnum“ til tiltekinna aðila í fyrirtækjasamstæðu okkar (eins og lýst er hér) og þriðju aðila í löndum án viðunandi verndar.

Ef þú vilt fá afrit af þessum ákvörðunum um viðunandi vernd eða föstu samningsákvæðum skaltu hafa samband við okkur í gegnum upplýsingarnar í hlutanum „Hafa samband“ hér fyrir neðan.

Ungir notendur

Þú verður að hafa náð a.m.k. 13 ára aldri til að nota kerfið. Ef þú telur að einhver notandi sé undir þessum lágmarksaldri skaltu hafa samband við okkur með því að nota þetta vefeyðublað.

Til að veita notendum yngri en 18 ára upplifun sem er viðeigandi fyrir aldur þeirra eru ákveðnir eiginleikar ekki í boði. Nánari upplýsingar er að finna í hjálparmiðstöðinni okkar.

Ef þú ert forráðamaður unglings inniheldur leiðarvísir forráðamanna upplýsingar og úrræði til að hjálpa þér að skilja kerfið og þau tól og stjórntæki sem þú eða unglingurinn þinn getur notað, þar á meðal eiginleikann „fjölskyldupörun“.

Uppfærslur á persónuverndarstefnu

Við kunnum af og til að gera breytingar á þessari persónuverndarstefnu eða uppfæra hana. Við munum láta þig vita af öllum efnislegum breytingum á þessari stefnu með tilkynningu í gegnum kerfið eða á annan hátt. Dagsetningin „síðast uppfært“ efst í þessari stefnu er dagsetning gildistöku slíkra breytinga á reglunum.

Hafa samband

Þú getur haft samband við okkur varðandi þessa persónuverndarstefnu í gegnum vefeyðublaðið okkar. Þú getur haft samband við gagnaverndarfulltrúa TikTok hér.

Þú getur einnig haft samband við okkur á eftirfarandi heimilisfangi.

Fyrir notendur á Evrópska efnahagssvæðinu (EES) og Sviss: TikTok Technology Limited, The Sorting Office, Ropemaker Place, Dublin 2, Dublin, D02 HD23, Ireland.
Fyrir notendur í Bretlandi: TikTok Information Technologies UK Limited, Kaleidoscope, 4 Lindsey Street, London, EC1A 9HP, United Kingdom.