Mas batan-on nga audience
Mga Highlight sa Pagkapribado alang sa Mga Batan-on
Kung mogamit ka og TikTok, kolektahon namo ang impormasyon bahin kanimo. Gihimo namo kini nga page aron i-highlight kung unsa kana nga impormasyon ug kung ginaunsa namo kini paggamit.
Naghimo usab mi og pipila ka video aron mas detalyadong ipasabot ang mga butang ug aron i-share ang pipila ka sampol kung ginaunsa namo paggamit ang imong impormasyon. Alang sa tibuok nga detalye, tan-awa ang among Palisiya sa Pagkapribado.
Hinumdomi, kinahanglang dili ka moubos sa 13 aron magamit ang TikTok. Kung ubos ka sa 18, kinahanglan nimong sultihan ang imong ginikanan o tigbantay sa dili pa ka magsugod sa paggamit sa TikTok.
Ang impormasyon nga among ginakolekta
Mahimo namong kolektahon ang mosunod nga impormasyon bahin kanimo
- Impormasyon nga imong ihatag kanamo. Naglakip kini sa mga detalye nga imong ihatag kung maghimo ka og account, mag-post og video, sound o komento, o moapil sa usa ka survey.
- Impormasyon nga among kolektahon bahin sa kung ginaunsa nimo paggamit ang TikTok. Naglakip kini sa mga detalye sa mga video ug ad nga imong gitan-aw, mga account nga imong gi-follow, ug kung unsa ka dugay ang imong gigahin sa TikTok.
- Impormasyon nga among kolektahon sa imong device. Naglakip kini sa klase sa device nga imong ginagamit (pananglitan, imong telepono o tablet), ang nasud nga imong nahimutangan, ug ang mga talagsaong identification number nga gipanag-iya sa imong device.
- Impormasyon nga among tagnaon bahin kanimo base sa kung ginaunsa nimo paggamit ang TikTok. Mahimong grupo sa edad kini nga imong giapilan ug kung unsa sa among hunahuna ang imong mga interes.
- Impormasyon nga gihatag sa uban kanamo. Mahimong gikan kini sa ubang tawo sa TikTok, mga provider sa social network (sama sa Facebook o Google) ug advertiser.
Ang impormasyon nga among ginakolekta
Sa unsang paagi namo gamiton ang imong impormasyon
Sa unsang paagi namo gamiton ang imong impormasyon
Gamiton lang namo ang impormasyon nga anaa namo bahin kanimo sa mga paagi nga ginatugot sa balaod. Nagapasabot kini nga kinahanglan nga aduna mi balido nga rason aron ipasiugda ang paggamit sa imong impormasyon.
Base sa balaod, adunay unom ka mga balidong rason. Ang tulo ka mga kasagarang rason nga ginagamit sa TikTok mao ang:
- sa pagbuhat og kontrata
- lehitimong interes
- pagtugot
Sa pagbuhat og kontrata
Kung nag-download ka sa TikTok app o naghimo og account, nisulod ka sa usa ka kontrata kauban namo. Ubos niani nga kontrata, ikaw ug kami miuyon sa pagbuhat, ug dili pagbuhat, sa pipila ka butang. Kinahanglan namong gamiton ang imong impormasyon aron mahimo ang pipila sa mga butang nga atong giuyonan nga buhaton. Kung wala namo gigamit ang imong impormasyon, dili namo mahatag kanimo ang tibuok nga kasinatian sa TikTok. Pananglitan, dili mi makahatag sa feed sa Para Kanimo, nga gipaangay sa matag user.
Ang imong impormasyon ug ang imong feed sa Para Kanimo
Ang imong impormasyon ug ang among Mga Tamdanan sa Komunidad
Lehitimong interes
Ginatugotan mi sa balaod nga gamiton ang imong impormasyon kung gikinahanglan kini alang sa usa ka lehitimong interes (sa kasagaran, kung ginagamit namo ang imong impormasyon alang sa usa ka maayong rason nga dili malabwan sa bisan unsang negatibong epekto sa imong mga katungod). Aron maghatag og pananglitan, adunay usa ka lehitimong interes sa paggamit sa imong impormasyon aron maprotektahan ang kaluwasan ug kaayohan sa among komunidad. Mahimong maglakip kini sa pagsusi sa mga butang nga imong buhaton sa TikTok aron masiguro nga dili kini supak sa among Mga Tamdanan sa Komunidad.
Pagtugot
Mahimo namong gamiton ang imong impormasyon kung ihatag nimo kanamo ang imong 'pagtugot', nga usa ka partikular nga klase sa legal nga pagtugot. Kung mangayo mi sa imong pagtugot, among:
- sigurohon nga imong nasabtan nganong ginapangayo namo kini;
- klarohon kung unsay mahitabo kung imong ihatag kanamo ang imong pagtugot; ug
- ipahibalo kanimo kung unsaon nimo pagbag-o sa imong hunahuna unya
Ang imong impormasyon ug ang uban pang organisasyon
Kung i-share namo ang imong impormasyon sa uban pang kompanya ug organisasyon
Mahimo namong i-share ang pipila sa imong impormasyon sa uban pang kompanya ug organisasyon.
- I-share namo ang pipila ka impormasyon sa uban pang kompanya nga nagahatag og serbisyo kanamo. Nagahimo kini nga mga kompanya og mga butang sama sa paghatag og luwas nga lugar alang kanamo nga i-store ang imong impormasyon, ug tugotan kang magbayad alang sa mga butang sa TikTok.
- I-share namo ang pipila ka impormasyon sa uban pang platform ug app, apan kung hangyoon lang mi nimo. Pananglitan, kung gamiton nimo ang among “i-share sa” nga feature aron ma-post ang imong mga video sa TikTok sa laing platform, i-share namo ang pipila ka impormasyon sa ubang platform aron mahimo nimo kini.
- I-share namo ang pipila ka impormasyon sa mga advertiser ug sa kompanya nga nagasuporta niini.Kini aron masabtan nila kung unsa ka epektibo ang ilang mga ad sa TikTok (pananglitan, pila ka mga tawo ang nakakita, nag-like, nagkomento o nag-share sa ilang mga ad, o nagbisita sa ilang website). I-share lang namo ang imong personal nga impormasyon sa mga advertiser kung hatagan mi nimo og pagtugot.
- Mahimo usab namong i-share ang pipila ka impormasyon bahin kanimo sa mga pulis, serbisyo sa emergency o awtoridad sa publiko.Buhaton namo kini kung kinahanglan namo base sa balaod o sa eksepsyon sa mga kahimtang, sama sa kung nagaduda mi og krimen o ang usa ka tawo anaa sa seryosong risgo sa kadaot.
Mga katungod nimo sa imong impormasyon
Ginahatagan ka og mga katungod sa imong impormasyon sa mga balaod sa Europe. Ginapasabot namo kini nga mga katungod, ug kung unsaon nimo kini paggamit, sa among Palisiya sa Pagkapribado.
Naghimo usab mi og mga tool ug setting nga mahimo nimong gamiton aron makontrol ang imong impormasyon ug pagkapribado. Kanunay usab mi nga nagapangita og mga paagi aron mouswag, maong mahimong mausab kining mga tool ug setting sa paglabay sa panahon. Pagpabiling updated pinaagi sa pagtan-aw sa imong [Dashboard sa Mga Setting ug Pagkapribado] nga (ma-akses sa imong Page nako) ug pinaagi sa pagsusi sa Tabang ug Mga Safety Center.
Ginatugotan ka sa among mga tool ug setting sa pagbuhat sa mosunod.
- Pagkontrol kung kinsa ang makatan-aw ug makakomento sa imong mga video
- Makontrol kung kinsa ang maka-follow sa imong account ug makapadala kanimo og mga direktang mensahe
- Pagkontrol kung ang mga ad nga imong makita naka-personalize kanimo
- Pagdumala kung pila ka oras ang gusto nimong igahin sa TikTok
- Pag-download sa impormasyon
- Pagtangtang sa imong mga video, komento, ug account bisan unsang orasa
Pagkontrol sa imong impormasyon
TikTok para sa mga batan-on
TikTok alang sa mga batan-on
Kinahanglang dili ka moubos sa 13 aron magamit ang TikTok. Kung ubos ka sa 18, mahimong makabantay ka nga dili available ang pipila sa mga feature sa TikTok kanimo o dili nimo mabag-o ang pipila sa imong mga setting. Tungod kini kay gusto namong gamiton nimo ang TikTok sa paagi nga makalingaw, luwas ug angay sa imong edad.
Pananglitan, kung ubos ka sa 16, itakda sa pribado ang imong account pinaagi sa default. Kung 16 o 17 ka, makapili ka tali sa pribado o pampubliko nga account kung mag-set up sa imong account; kung dili ka magpili, itakda sa pribado ang imong account pinaagi sa default.
Kung aduna kay pribadong account, mga tawo lang nga imong gi-aprubahan ang maka-follow kanimo, makatan-aw sa imong mga video, LIVE nga video, bio, like ingon man ang mga listahan sa gi-follow ug follower nimo.
Kung aduna kay pampublikong account, makita ug mahimong i-share sa bisan kinsa nga anaa o wala sa TikTok ang imong profile ug mga video (bisan kung siya aduna o walay account sa TikTok) ug mahimong makita sa mga search engine, blog, post sa social media ug site sa balita.
Hinumdomi, pribado man o pampubliko ang account nimo, kanunay nga makita ang imong ngalan, username, ug hulagway sa profile ni bisan kinsa nga anaa o gawas sa TikTok. Bisan unsa pa ang klase sa imong account, mahimo nimong kanunay nga limitahan ang visibility sa imong mga post kada usa, diin mahimong limitado ang imong mga post sa gipili nimo nga audience. Tan-awa dinhi kung unsaon pagbag-o sa imong mga setting sa video.
Susiha ang among Portal sa Kabataan alang sa tanang impormasyon nga imong gikinahanglan aron makabaton og pinakamaayong kasinatian sa TikTok.
Ug kung ginikanan ka sa user sa TikTok nga ubos sa 18 anyos, tan-awa ang among Giya sa Ginikanan alang sa impormasyon ug mga resource aron matabangan kang masabtan ang TikTok ug ang mga tool ug kontrol nga mahimong i-on nimo ug sa imong batan-on sama sa among feature sa Family Pairing.
Gustong makahibalo pa?
Nanghinaut mi nga nakatubag kining Mga Highlight sa Pagkapribado sa pipila ka pangutana nga mahimong anaa kanimo bahin sa kung ginaunsa namo paggamit ang imong impormasyon. Alang sa dugang detalye, susiha ang among Help Center, Safety Center; Transparency Center ug basaha ang among Palisiya sa Pagkapribado. Kung aduna kay pangutana, mahimo mi nimong kontakon gamit ang mga detalye sa Palisiya sa Pagkapribado o tubaga ang among online nga form.