ကျွန်ုပ်တို့တွင်ရှိသော သင့်အကြောင်း အချက်အလက်များကို ဥပဒေအရ ခွင့်ပြုထားသည့် နည်းလမ်းများဖြင့်သာ အသုံးပြုသည်။ ဆိုလိုသည်မှာ သင်၏ အချက်အလက်များကို အသုံးပြုခြင်းမှာ လျော်ကန်ကြောင်း ထောက်ခံပေးမည့် တရားဝင်အကြောင်းပြချက်တစ်ခု ရှိရမည်ဖြစ်သည်။

ဥပဒေအရ တရားဝင်အကြောင်းပြချက် ခြောက်ခုရှိသည်။ TikTok က အသုံးပြုသော ယေဘုယျအကျဆုံး အကြောင်းပြချက်သုံးခုမှာ-

• စာချုပ်ချုပ်ရန်
• တရားဝင် လုပ်ပိုင်ခွင့်
• ခွင့်ပြုချက်

တရားဝင် လုပ်ပိုင်ခွင့်အတွက် လိုအပ်လာလျှင် ကျွန်ုပ်တို့သည် သင်၏ အချက်အလက်များကို ဥပဒေအရ အသုံးပြုနိုင်သည် (အခြေခံအားဖြင့် သင့်အခွင့်အရေးများအပေါ် ဆိုးကျိုးတစ်ခုခု မသက်ရောက်စေဘဲ ရည်ရွယ်ချက်ကောင်းတစ်ခုဖြင့် သင်၏ အချက်အလက်များကို ကျွန်ုပ်တို့က အသုံးပြုခြင်းဖြစ်လျှင်)။ ဥပမာပေးရလျှင် ကျွန်ုပ်တို့အသိုင်းအဝိုင်း၏ ဘေးကင်းလုံခြုံမှုနှင့် ကောင်းကျိုးအဖြာဖြာကို ကာကွယ်ပေးရန်အတွက် သင်၏ အချက်အလက်များကို သုံးရန် တရားဝင် လုပ်ပိုင်ခွင့် ရှိသည်။ ၎င်းတွင် ပါဝင်နိုင်သည်မှာ TikTok ၌ သင်ပြုလုပ်သော အရာများသည် ကျွန်ုပ်တို့၏ အသိုင်းအဝိုင်းလမ်းညွှန်ချက်များကို မဆန့်ကျင်ကြောင်း သေချာစေရန် ၎င်းတို့ကို စစ်ဆေးသုံးသပ်ခြင်း ဖြစ်သည်။

ကျွန်ုပ်တို့သည် သင်၏ အချက်အလက်တချို့ကို အခြားသော ကုမ္ပဏီများ၊ အဖွဲ့အစည်းများနှင့် မျှဝေနိုင်သည်။

• ကျွန်ုပ်တို့သည် အချက်အလက်တချို့ကို ကျွန်ုပ်တို့အတွက် ဝန်ဆောင်မှုပေးသော အခြားကုမ္ပဏီများနှင့် မျှဝေသည်။ ၎င်းကုမ္ပဏီများသည် သင့်အချက်အလက်များကို ကျွန်ုပ်တို့ သိမ်းဆည်းနိုင်မည့် ဘေးကင်းလုံခြုံသော နေရာတစ်ခုကို ပေးခြင်းနှင့် TikTok တွင် သင့်အား ငွေပေးချေခွင့်ပြုခြင်းကဲ့သို့သော အရာများကို လုပ်ဆောင်ပေးသည်။
• ကျွန်ုပ်တို့သည် အချက်အလက်တချို့ကို အခြားသော ပလက်ဖောင်းများ၊ အက်ပ်များနှင့် မျှဝေသည်၊ သို့သော် သင်က ကျွန်ုပ်တို့အား တောင်းဆိုမှသာလျှင် မျှဝေသည်။ ဥပမာ သင်၏ TikTok ဗီဒီယိုများကို အခြားပလက်ဖောင်းတစ်ခုတွင် ပို့စ်တင်ရန် "ဖော်ပြပါသို့ မျှဝေမည်" လုပ်ဆောင်ချက်ကို အသုံးပြုလျှင် သင် ထိုသို့ပို့စ်တင်နိုင်စေရန် ကျွန်ုပ်တို့သည် အချက်အလက်တချို့ကို ၎င်းပလက်ဖောင်းနှင့် မျှဝေသည်။
• ကျွန်ုပ်တို့သည် အချက်အလက်တချို့ကို ကြော်ငြာသူများနှင့် ၎င်းတို့အား ပံ့ပိုးပေးသော ကုမ္ပဏီများထံ မျှဝေသည်။သို့မှသာ ၎င်းတို့သည် TikTok တွင် မိမိတို့၏ ကြော်ငြာများ အကျိုးရှိထိရောက်ပုံအကြောင်း နားလည်မည်ဖြစ်သည် (ဥပမာ ကြည့်ရှုသူဦးရေ၊ လိုက်ခ်ပေးသူဦးရေ၊ မှတ်ချက်ပေးသူဦးရေ သို့မဟုတ် ၎င်းတို့၏ ကြော်ငြာများကို မျှဝေသူဦးရေ၊ သို့မဟုတ် ၎င်းတို့၏ ဝက်ဘ်ဆိုက်သို့ ဝင်ကြည့်သူဦးရေ)။ သင်က ခွင့်ပြုချက်ပေးမှသာလျှင် ကျွန်ုပ်တို့သည် သင်၏ ကိုယ်ရေး အချက်အလက်များကို ကြော်ငြာသူများနှင့် မျှဝေသည်။
• ကျွန်ုပ်တို့သည် သင့်အကြောင်း အချို့အချက်အလက်များကို ရဲဌာန၊ အရေးပေါ်ဝန်ဆောင်မှုများ သို့မဟုတ် အစိုးရအာဏာပိုင်များနှင့်လည်း မျှဝေနိုင်သည်။ကျွန်ုပ်တို့သည် ဥပဒေအရ လိုအပ်လာလျှင် သို့မဟုတ် ပြစ်မှုဖြစ်နိုင်ဖွယ် သံသယရှိခြင်း သို့မဟုတ် တစ်စုံတစ်ဦးက အပြင်းအထန် အန္တရာယ်ကျရောက်နိုင်ခြေရှိခြင်းကဲ့သို့ ခြွင်းချက်အခြေအနေများ၌ ထိုကဲ့သို့မျှဝေသည်။

သင်သည် TikTok ကို အသုံးပြုရန် အနည်းဆုံး အသက် 13 နှစ်ပြည့်ရန် လိုအပ်သည်။ သင်က အသက် 18 နှစ်မပြည့်သေးလျှင် TikTok ၏ လုပ်ဆောင်ချက်တချို့ကို သင် မသုံးနိုင်ကြောင်း သို့မဟုတ် သင်၏ ဆက်တင်တချို့ကို မပြောင်းလဲနိုင်ကြောင်း သင် သတိပြုမိမည်ဖြစ်သည်။ ဤသည်မှာ ကျွန်ုပ်တို့သည် သင့်အား ပျော်ရွှင်ဖွယ်ကောင်းသော၊ ဘေးကင်းလုံခြုံသော၊ သင့်အသက်အရွယ်နှင့် လိုက်လျောညီထွေဖြစ်သော နည်းလမ်းဖြင့် TikTok ကို အသုံးပြုစေလိုသောကြောင့် ဖြစ်သည်။

ဥပမာ သင်က အသက် 16 နှစ်မပြည့်သေးလျှင် သင့်အကောင့်ကို ပုံသေအားဖြင့် သီးသန့်အဖြစ် သတ်မှတ်သည်။ သင်က အသက် 16 နှစ် သို့မဟုတ် 17 နှစ် ဖြစ်လျှင် သင့်အကောင့်ကို စီစဉ်သတ်မှတ်ချိန်တွင် သီးသန့်အကောင့် သို့မဟုတ် အများမြင်အကောင့်ကို ကြိုက်ရာ ရွေးချယ်နိုင်သည်၊ သင်က ရွေးချယ်မှု မပြုလုပ်လျှင် သင့်အကောင့်ကို ပုံသေအားဖြင့် သီးသန့်အဖြစ် သတ်မှတ်သည်။

သင်သည် သီးသန့်အကောင့် ဖွင့်ပါက သင် ခွင့်ပြုသည့် လူများကသာ သင့်ကို ဖော်လိုလုပ်နိုင်သည်၊ သင့်ဗီဒီယိုများ၊ LIVE ဗီဒီယိုများ၊ ကိုယ်ရေးအကျဉ်း၊ လိုက်ခ်များအပြင် သင်က ဖော်လိုလုပ်သူ စာရင်းနှင့် သင့်ကို ဖော်လိုလုပ်သူ စာရင်းများကို ကြည့်နိုင်သည်။

သင်သည် အများမြင်အကောင့် ဖွင့်ပါက သင့်ပရိုဖိုင်နှင့် ဗီဒီယိုများကို TikTok သုံးသော သို့မဟုတ် မသုံးသော မည်သူမဆို (၎င်းတို့တွင် TikTok အကောင့် ရှိသည်ဖြစ်စေ၊ မရှိသည်ဖြစ်စေ) မြင်နိုင်မည်ဖြစ်ပြီး မျှဝေနိုင်သည့်အပြင် ၎င်းတို့သည် ရှာဖွေရေး အင်ဂျင်များ၊ ဘလော့ဂ်များ၊ ဆိုရှယ်မီဒီယာ ပို့စ်များနှင့် သတင်းဆိုက်များတွင် ပေါ်လာနိုင်သည်။

သင့်အကောင့်က သီးသန့်ဖြစ်စေ၊ အများမြင်ဖြစ်စေ သင်၏ အမည်၊ သုံးစွဲသူအမည်နှင့် ပရိုဖိုင်ဓာတ်ပုံတို့ကို TikTok သုံးသော သို့မဟုတ် မသုံးသော လူတိုင်းက အမြဲမြင်နိုင်မည်ကို သိထားပါ။ သင့်အကောင့်မှာ မည်သည့်အမျိုးအစားပင်ဖြစ်စေကာမူ သင့်ပို့စ်များကို မြင်နိုင်မှုအပေါ် လွတ်လပ်စွာ အမြဲကန့်သတ်နိုင်သည်၊ ကန့်သတ်လိုက်ပါက သင့်ပို့စ်များကို သင်ရွေးချယ်သော ပရိသတ်ကသာ မြင်နိုင်မည်ဖြစ်သည်။ သင်၏ ဗီဒီယိုဆက်တင်များ ပြောင်းလဲနည်းကို ဤနေရာတွင် ကြည့်ရှုပါ။

TikTok သုံးစွဲရာတွင် အကောင်းဆုံးအတွေ့အကြုံကို ရရှိရန် သင်လိုအပ်သော အချက်အလက်များအားလုံးအတွက် ကျွန်ုပ်တို့၏ လူငယ် ပေါ်တယ်ကို စစ်ဆေးကြည့်ရှုပါ။

ထို့ပြင် သင်က အသက် 18 နှစ်မပြည့်သေးသော TikTok သုံးစွဲသူ၏ မိဘဖြစ်လျှင် TikTok အကြောင်း၊ သင်နှင့် သင်၏ ဆယ်ကျော်သက်ကလေး ဖွင့်နိုင်သော မိသားစု ချိတ်ဆက်ခြင်း လုပ်ဆောင်ချက်ကဲ့သို့ တူးလ်များနှင့် ထိန်းချုပ်မှုများအကြောင်း သင်နားလည်စေရန် ကူညီပေးမည့် အချက်အလက်များနှင့် ရင်းမြစ်များအတွက် ကျွန်ုပ်တို့၏ အုပ်ထိန်းသူ၏ လမ်းညွှန်သို့ ဝင်ကြည့်ပါ။