Audienca më e re
Pikat kryesore të privatësisë për adoleshentët
Kur ti përdor TikTok-un, ne mbledhim informacion rreth teje. Ne e krijuam këtë faqe për të theksuar se çfarë është ai informacion dhe se si e përdorim ne atë.
Ne kemi krijuar edhe disa video për t'i shpjeguar gjërat më në hollësi dhe për të ndarë disa shembuj të mënyrës se si ne i përdorim të dhënat e tua. Për detajet e plota, shih Politikën e privatësisë.
Mos harro se për të përdorur TikTok-un duhet të jesh të paktën 13 vjeç. Nëse je nën 18 vjeç, duhet të flasësh me prindin ose kujdestarin tënd para se të nisësh të përdorësh TikTok-un.
Informacionet që mbledhim
Ne mund të mbledhim informacionet e mëposhtme rreth teje
- Të dhënat që na i jep ti. Kjo përfshin detajet që ti jep nëse krijon një llogari, poston një video, tingull ose koment, ose merr pjesë në një anketë.
- Informacionet që mbledhim për mënyrën si ti e përdor TikTok-un. Kjo përfshin detajet e videove dhe reklamave që sheh, llogaritë që ndjek dhe sa kohë kalon në TikTok.
- Informacionet që mbledhim nga pajisja jote. Kjo përfshin llojin e pajisjes që ti përdor (për shembull, telefon ose tablet), shtetin ku ndodhesh dhe numrat unikë të identifikimit që i përkasin pajisjes sate.
- Të dhënat që parashikojmë rreth teje, në bazë të mënyrës se si e përdor TikTok-un. Kjo mund të jetë grupmosha dhe interesat e tua.
- Informacionet që na japin të tjerët. Këto mund të jenë nga persona të tjerë në TikTok, ofruesit e rrjeteve sociale (si Facebook ose Google) dhe reklamuesit.
Informacionet që mbledhim
Si i përdorim ne të dhënat e tua
Si i përdorim ne të dhënat e tua
Ne i përdorim informacionet që kemi rreth teje vetëm në mënyrat e lejuara sipas ligjit. Kjo nënkupton se duhet të kemi një arsye të vlefshme për të justifikuar përdorimin e të dhënave të tua.
Sipas ligjit, ka gjashtë arsye të vlefshme. Tre arsyet më të zakonshme të përdorura nga TikTok-u janë:
- për të realizuar një kontratë
- interesi legjitim
- pëlqimi
Për të realizuar një kontratë
Kur shkarkon aplikacionin TikTok ose kur krijon një llogari, ti lidh një kontratë me ne. Sipas asaj kontrate, ti dhe ne biem dakord të bëjmë dhe të mos bëjmë gjëra të caktuara. Ne duhet t'i përdorim të dhënat e tua që të mund të bëjmë disa nga gjërat që biem dakord të bëjmë. Nëse nuk do t'i përdornim të dhënat e tua, nuk do të mund të të ofronim përvojën e plotë të TikTok-ut. Për shembull, nuk do të mund të të ofronim aktualitetin "Për ty", që personalizohet sipas çdo përdoruesi.
Të dhënat e tua dhe aktualiteti yt "Për ty"
Të dhënat e tua dhe "Udhëzimet e komunitetit"
Interesi legjitim
Ligji na lejon t'i përdorim të dhënat e tua nëse është e nevojshme për një interes legjitim (kryesisht, nëse i përdorim të dhënat e tua për një arsye të fortë që vlen më shumë se çdo ndikim negativ në të drejtat e tua). Për të dhënë një shembull, ka një interes legjitim në përdorimin e të dhënave të tua për të mbrojtur sigurinë dhe mirëqenien e komunitetit tonë. Kjo mund të përfshijë shqyrtimin e gjërave që bën në TikTok, për t'u siguruar që të mos jenë në shkelje të "Udhëzimeve të komunitetit".
Pëlqimi
Ne mund t'i përdorim të dhënat e tua nëse na ke dhënë "pëlqimin" tënd, që është një lloj autorizimi ligjor specifik. Nëse kërkojmë pëlqimin tënd, ne do të:
- sigurohemi që ti e kupton se përse po ta kërkojmë;
- jemi të qartë se çfarë do të ndodhë nëse na e jep pëlqimin tënd; dhe
- të njoftojmë se si mund të ndryshosh mendje më vonë
Të dhënat e tua dhe organizatat e tjera
Kur i ndajmë ne të dhënat e tua me kompanitë dhe organizatat e tjera
Ne mund të ndajmë disa nga të dhënat e tua me kompanitë dhe organizatat e tjera.
- Ne ndajmë disa informacione me kompani të tjera që na ofrojnë një shërbim. Për shembull, këto kompani na sigurojnë një vend të sigurt për të ruajtur të dhënat e tua dhe të lejojnë të paguash për gjërat në TikTok.
- Ne ndajmë disa informacione me platformat dhe aplikacionet e tjera, por vetëm nëse ti na e kërkon këtë. Për shembull, nëse përdor funksionin tonë "ndaj me" për të postuar videot e tua në TikTok në platforma të tjera, ne ndajmë me platformën tjetër disa informacione në mënyrë që ti ta bësh këtë.
- Ne ndajmë disa informacione me reklamuesit dhe kompanitë që i mbështesin ato.Kjo bëhet në mënyrë që ata të kuptojnë se sa efektive janë reklamat e tyre në TikTok (për shembull, sa persona e panë, e pëlqyen, e komentuan ose i shpërndanë reklamat e tyre ose e vizituan faqen e tyre të internetit). Ne ndajmë të dhënat e tua personale me reklamuesit, vetëm nëse ti na jep leje.
- Gjithashtu, ne mund të ndajmë disa të dhëna rreth teje me policinë, shërbimet e urgjencës dhe autoritetet publike.Ne e bëjmë këtë në rast se jemi të detyruar nga ligji ose në rrethana të jashtëzakonshme, për shembull kur dyshojmë për një krim ose që dikush ka rrezik të lëndohet.
Të drejtat e tua mbi të dhënat e tua
Ligjet në Evropë të japin të drejta mbi të dhënat e tua. Ne i kemi shpjeguar këto të drejta dhe mënyrën se si mund t'i ushtrosh ato në Politikën e privatësisë.
Gjithashtu, kemi krijuar mjete dhe parametra që mund t'i përdorësh për të kontrolluar të dhënat dhe privatësinë tënde. Jemi gjithnjë në kërkim të mënyrave për t'u përmirësuar, prandaj këto mjete dhe parametra mund të ndryshojnë me kalimin e kohës. Përditësohu duke parë [Panelin e parametrave dhe privatësisë] (që mund të shihet nga faqja jote "Unë") dhe duke kontrolluar seksionin Ndihmë dhe Qendrat e Sigurisë.
Mjetet dhe parametrat tona të lejojnë të bësh sa vijon.
- Të kontrollosh kush mund t'i shohë dhe të komentojë në videot e tua
- Të kontrollosh kush mund ta ndjekë llogarinë tënde dhe të të dërgojë mesazhe të drejtpërdrejta
- Të kontrollosh nëse reklamat që sheh janë të personalizuara për ty
- Të kontrollosh se sa shumë kohë dëshiron të kalosh në TikTok
- Të shkarkosh informacione
- Të fshish videot, komentet dhe llogarinë tënde në çdo kohë
Kontrollimi i të dhënave të tua
TikTok-u për adoleshentët
TikTok-u për adoleshentët
Për të përdorur TikTok-un duhet të jesh të paktën 13 vjeç. Nëse je nën 18 vjeç, mund të vëresh që disa nga funksionet e TikTok-ut nuk janë të disponueshme për ty ose që nuk mund të ndryshosh disa nga parametrat. Kjo është për shkak se ne duam që ta përdorësh TikTok-un në një mënyrë të kënaqshme, të sigurt dhe të përshtatshme për moshën tënde.
Për shembull, nëse je nën 16 vjeç, llogaria jote është caktuar automatikisht si private. Nëse je 16 ose 17 vjeç, mund të zgjedhësh ndërmjet një llogarie private ose publike kur konfiguron llogarinë tënde; nëse nuk bën një zgjedhje, llogaria jote caktohet automatikisht si private.
Nëse ke një llogari private, vetëm njerëzit që miraton mund të të ndjekin, të shikojnë videot e tua, videot "LIVE", biografinë, pëlqimet, si dhe listat e ndjekësve të tu dhe të atyre që je duke ndjekur.
Nëse ke një llogari publike, profili dhe videot e tua do të jenë të dukshme dhe mund të shpërndahen nga kushdo brenda ose jashtë TikTok-ut (pavarësisht nëse personat kanë ose jo një llogari në TikTok) dhe mund të shfaqen në motorët e kërkimit, blogjet, postimet e mediave sociale dhe faqet e lajmeve.
Mos harro se, pavarësisht nëse llogaria jote është private ose publike, emri yt, emri i përdoruesit dhe fotoja e profilit do të jenë gjithnjë të dukshme për këdo brenda dhe jashtë TikTok-ut. Pavarësisht llojit të llogarisë sate, mund ta kufizosh gjithmonë dukshmërinë e postimeve të tua individualisht, dhe në këtë rast postimet e tua do të kufizohen për audiencën që zgjedh ti. Shih këtu se si t'i ndryshosh parametrat e videove.
Kontrollo Portalin Rinor për të gjithë informacionin që të duhet për të pasur përvojën më të mirë të mundshme jashtë TikTok-ut.
Dhe nëse je prindi i një përdoruesi të TikTok-ut nën 18 vjeç, hidhi një sy Udhëzuesit për kujdestarët për informacionin dhe burimet që të ndihmojnë të kuptosh TikTok-un dhe mjetet dhe komandat që mund të aktivizosh ti dhe fëmija yt adoleshent, si p.sh, funksioni "Çiftimi i familjes".
Dëshiron të dish më shumë?
Ne shpresojmë që këto pika kryesore të privatësisë t'u kenë dhënë përgjigje disa prej pyetjeve që mund të kesh pasur mbi mënyrën se si i përdorim të dhënat e tua. Për më shumë detaje, kontrollo Qendrën e ndihmës, Qendrën e sigurisë; Qendrën e transparencës dhe lexo Politikën e privatësisë. Nëse ke ndonjë pyetje, mund të na kontaktosh duke përdorur detajet në "Politikën e privatësisë" ose të plotësosh formularin tonë në internet.